Зелениот картон се издава врз основа на издадена полиса за осигурување од автомобилска одговорност од соодветната компанија и е замена за полисата за осигурување од автомобилска одговорност издадена за матичната земја со важност за сите земји-членки наведени во полисата.
ПРЕМИЈА ЗА ИЗДАВАЊЕ ЗЕЛЕН КАРТОН
Возило | Цена |
Патнички возила до 66 KW - годишен | 3.690 ден. |
Патнички возила над 66 KW - годишен | 5.536 ден. |
Патнички возила до 66 KW - месечен | 1.850 ден. |
Патнички возила над 66 KW - месечен | 3.075 ден. |
Влечни возила, специјални возила, моторцикли, приклучни возила и работни возила | 5.536 ден. |
Товарни возила и автобуси | 17.222 ден. |
Зелениот картон може да се набави во сите подружнници на Мобилити брокер ( mobilitybroker.com.mk ) кои работат во рамките на Станиците за Технички преглед на АМСМ низ Македонија.
Важност на зелената карта е 12 месеци или во рамки на времетраењето на полисата за автомобилска одговорност.
При одјава/пријава на возило, постпката е следнава:
Возилото се одјавува во местото каде што е регистрирано
а. Го одјавува сопственикот на возилото, лично во службите на МВР
б. Потребни документи за одјава на возило се:
- Барање за одјава кое се добива во АМСМ Услуги - СТП
- Сообраќајна книшка од возилото
- Лично присуство на лицето кое го одјавува возилото пред службите на МВР
- Регистарските таблички пред службите на МВР
- Доколку се работи за правно лице кое одјавува возило, тогаш е потребно полномошно на лицето кое ќе ги одјавува регистарските таблички во име на правното лице.
Новиот сопственик го пријавува возилото во местото на живеење, додека потребните документи се следните:
- Одјавена сообраќајна книшка на која има заверка дека возилото е одјавено
- Лично присуство на сопственикот
- Барање за пријава
- Уплата од 1.400 МКД на жиро сметка на буџетот на РМ